Nagu saabsan
Hal shaqo ayaan qabannaa, si hagaagsanna waan u qabannaa.
Waxaan qoysaska Soomaaliyeed ka caawinnaa inay daaweynta New Delhi iyo NCR, Hindiya sii diyaarsadaan ka hor safarka. Ujeeddadu waa inay tagaan iyagoo og waxa la xaqiijiyey iyo waxa weli qiyaasta ah, halkii ay su'aalo aan jawaab lahayn la tegi lahaayeen.
Bilaash ayaad ku bilaabaysaa · Lacag adeeg ah kaagama qaadno · Qiyaasta qiimaha ee qoraalka ah si cad ayaan kuugu sharaxnaa
Qoysasku ma doortaan inay daaweyn dibadda u safraan. Baahida ayaa ku qasabta.
Arrintani waxay timaaddaa marka daaweynta uu qof ehelka ahi u baahan yahay dalka laga waayo, qoyskana laga rabo inuu go'aan adag si degdeg ah u gaaro.
Go'aankaas waxaa la gaarayaa xilli xogtu yar tahay, laakiin wax badani ku xiran yihiin. Marar badan waxaa jira hubanti la'aan: qiime isbeddela marka la tago, talo ay dan dhaqaale oo qarsoon saameyn karto, iyo qoysas safra ka hor inta aanay kharashka la filayo ogaan.
SomalMed waxaan u dhisnay inaan jahawareerkaas yarayno. Xogta caafimaadka ee meelo kala yaal waxaan ka diyaarinnaa Report-ka uu isbitaalku eegi karo. Haddii xog dheeraad ah loo baahdo, waan u sheegnaa qoyska. Marka isbitaalku xogta eego, waxaan helnaa jawaabtiisa, qoyska ayaana helaya qorshaha daaweynta iyo qiyaasta qiimaha oo qoraal ah. Safarkana waan sii diyaarinnaa marka qoysku doorto inuu sii wado.
“Daaweyn dibadda ah waxay qoysas badan gelisaa hubanti la'aan. Waxaan dhisnay hannaan keenaya xog cad, daacadnimo iyo cid hawsha mas'uul ka ah.”
Waxaan dhisnay wax la hubin karo, ee ma aha hadal lagaa rabo inaad iska rumaysato.
Intii aan kaa codsan lahayn inaad hadalkayaga ku kalsoonaato, waxyaabaha muhiimka ah waxaan ka dhignay kuwo aad hubin karto.
Qiimaha daaweyntu wuxuu leeyahay xad cad
Isla qorshaha daaweynta iyo isla heerka qolka isbitaalka, waligaa kama bixinaysid wax ka badan qiimaha caalamiga ah ee isbitaalku shaaciyey. SomalMed qiimaha daaweynta waxba kuma darto, lacag adeeg ahna kaagama qaado. SomalMed waxay dakhli ka heli kartaa heshiis dhinaca isbitaalka ah; taas qoysku lacag dheeraad ah kama bixinayo.
Annaga ayaa hawsha maamulka qaabilsan
La xiriirka isbitaalka iyo tallaabooyinka fiisaha, safarka iyo lacag bixinta annaga ayaa kuu qabanaynaa. Haddii wax adiga lagaa rabo, si cad ayaan kuu sheegaynaa.
Wax aanan go'aamin karin kuu ballanqaadi mayno
Waxa dhakhtarka, isbitaalka ama hay'addu go'aaminayso marnaba kuu dammaanad qaadi mayno. Jawaabta ayaan helnaa, dabadeedna si cad ayaan kuugu sharaxnaa.
Dad dhab ah oo magacyadooda la yaqaan
Ma aha xarun aan magac lahayn. Waxaad ogaanaysaa magaca qofka hawshaada maamulka qaabilsan. Qofka kugu caawinaya Hindiya wuxuu kula kulmaa markaad timaaddo, kula tagaa ballamaha isbitaalka, wakhti kastana waad kala xiriiri kartaa arrimaha maamulka iyo taageerada safarka ilaa marka isbitaalka lagaa saaro. Markaad soo noqoto, wuxuu kaa caawiyaa wareejinta dabagalka.
Sida aad nagu hubin karto →
Annagu isbitaal ma nihin. Hawsha dhakhaatiirtana ma qabanno.
Dhakhaatiirta iyo isbitaallada ayaa leh dhammaan go'aannada caafimaadka. Annagu waxaan diyaarinnaa Report-ka, waxaanan isku dubbaridnaa hawsha maamulka iyo safarka. Xadkaas ma dhaafno.
SomalMed · Xadka adeegga
Halka shaqadayadu ku ekaato
Waxaan qabannaa
- Xogtaada caafimaad waxaan ka diyaarinnaa Report-ka uu isbitaalku eegi karo; haddii xog dheeraad ah loo baahdo, waan kuu sheegaynaa.
- Qorshaha daaweynta iyo qiyaasta qiimaha oo qoraal ah si cad ayaan kuugu sharaxnaa marka isbitaalku xogta eego.
- Safarka ayaan sii qorshaynnaa, qofka laguu magacaabayna wakhti kasta ayaad kala xiriiri kartaa arrimaha maamulka iyo taageerada safarka ilaa marka isbitaalka lagaa saaro.
- Hal qof oo aad magaciisa taqaan ayaa kuu haya hawsha maamulka, dabagalkana kuu wareejiya markaad soo noqoto.
Marnaba ma qabanno
- Daawo ma qorno, go'aan caafimaadna ma gaarno.
- Bogsiin, natiijo daaweyn ama fiiso ma dammaanad qaadno.
- Qiimaha daaweynta waxba kuma darno.
- Ehelkaaga kuma wareejinno xarun aan magac lahayn.
Waxaan si cad kuu sheegnaa waxa aan qabanno. Waxa aanan qabaninna si daacad ah ayaan kuu sheegnaa.
Ku bilow waxa aad hadda haysato.
Noo sheeg qofka daaweynta u baahan iyo caawimada aad rabto. Tallaabada xigta ayaan kuu sharxi doonnaa, halkaas ayaana ka sii wadeynaa.
Bilaash ayaad ku bilaabaysaa · Lacag adeeg ah kaagama qaadno · Qiyaasta qiimaha ee qoraalka ah si cad ayaan kuugu sharaxnaa
- Bilaash ayaad ku bilaabaysaa
- Xogtaada waxaa loo adeegsadaa oo lala wadaagaa inta hawsha aad naga codsatay u baahan tahay
- Qasab kuguma aha inaad sii waddo